في اسكندرية كان الغرام

الوصف

الكتاب: في اسكندرية كان الغرام

المؤلف: د. أسماء عجلان

النوع: ديوان شعر بالعامية المصرية

الناشر: ببلومانيا

عدد الصفحات: 76

من الديوان:

قاللي أنا جاي ..

ولا جاشي!..

خطفني إزاي..

وراح ماشي!..

وروحي وراه..

ما يدراشي!..

ده قاللي انا جاي..

ولا جاشي!

***

قاللي كلام أنا بَعْدُه..

ما عشت الفرح مِن بَعْدُه..

عانيت م الشوق ومن بُعْدُه..

وقلبي هواه ما يسلاشي!

ده قاللي انا جاي ..

ولا جاشي!

***

رسملي قلوب علي الأبواب..

ودباديب وشجر لبلاب!..

وأهداني ليالي عذاب..

وقاللي: عليك ما يغلاشي!

ده قاللي انا جاي..

ولا جاشي!

***

كتبلي كِتاب وأغنيه..

وطمَّع السهر فيَّا..

كتبلي قصيده عاميه..

وكلمة حب ع الماشي!

ده قاللي انا جاي ..

ولا جاشي!

***

وعدني كتير ولا وَفَّا..

وأنا تايهه ومش عارفه..

مشيت في السِّكَّه مش شايفه..

بدمعة عين ما ناشفاشي!

ده قاللي أنا جايّ..

ولا جاشي!

…………………………